Lo tennís se practica dins lo Cantal dempuèi la debuta del sègle vint. Lo « club » d’Orlhac, presidit per M.Marty, foguèt creat en 1927. A Vic en Carladés, los terrens de tèrra batuda foguèron estrenats en 1936!
Aquò’s per dire ! Los toristas de la nauta societat que venián al « Grand Hôtel » de la Companhiá d’Orleans i jogavan belcòp.
Lo site « Internet » del Comitat Departamental dona de novèlas sul tennís d’ara. Disèm plan mercé als partenaris que nos an ajudats a far aquel site qu’es un brave biais d’informar lo mond. (Clicatz sus « Partenaris. ») Per dintrar al còr de l’espòrt, clicatz sus la palma jauna. I trobaretz totas las darrièras novèlas suls tornegs, los « clubs », l’equipa que fan marchar (e mai córrer !)
Lo tennís d’uèi. I trobaretz tanben totes los resultats dins lo departament, cossí son classats los jogaires, de fotòs, d’anóncias e d’eveniments plan agradables per festejar. Seretz al corrent de la composicion dels grops (o de las polas), dels campionats « seniors » e veterans per equipas e tot solets. En consultar la lista de çò que se va far (las accions a venir) seretz a la punta del tennís dins lo Cantal. Amb un messatge electronic nos podètz far conéisser las vòstras impressions, donar d’idèas novèlas, contar d’istòrias per nos far rire, transferir de fotòs de quauque temps o tota causa que se rapòrta al tennís.